ශ්‍රී ලංකා ජාතික කොඩියෙන් පවා සිංහල වර්ගවාදියා උත්සාහ කරන්නේ අහිංසක සුළු ජනතාවට පහර දීමටය. ඉතින් ඒ ගැන අකුරු වැලක් ගෙතීමට මට සිතුණි. මෙහිදී ජාතික කොඩියට කිසිදු අපහාසයක් කිරීමට ලේඛකයා අදහස් නොකරන අතර පවත්නා නීතිමය රාමුවේ සිට මාගේ අදහස් දක්වමි.
මෙහිදී අප දකින ප්‍රධානතම ප්‍රශ්නයනම් ජාතික කොඩියේ සිංහයා කඩුවක් ඔසවාගෙන දෙමළ ජනතාව නියෝජනය කරන දිශාවට හැරී සිටින්නේ ඇයිද යන ගැටළුවයි. අතීතයේ සිට පැවත එන සිංහල වර්ගවාදියා තම ප්‍රචන්ඩත්වය සහිංසක දෙමළ ජනතාව දෙසට හැරවීම මෙමගින් පෙන්වනවයි. මෙය කිසිසේත් ශිෂ්ට සමාජයකට ගැලපෙන්නක් නොවේ.
ජාතිය ගැන බුදු දහමේ කියන්නේ කුමක්ද යන්න වැදගත් බෞද්ධයන්ට පමණි. දෙමළ ජනතාවට. , මුස්ලිම් අයට, අන්යාගමික හා අනාගමික අයට ජාතිය ගැන බුදු දහමේ මොනවා කිව්වත් කමක් නැත. අනික් අතට බෙදා ගන්න පුලුවන් ජාතියක් හෝ බැරි ජාතියක් නොව කිසිම ජාතියක් ගැන බුදු දහමේ කියනවා මා අසා නැත. බුදුන් වහන්සේ දෙව් මිනිසුන්ගේ ගුරුවරයා (සත්ථා දේව මනුස්සානං) මිස සිංහලුන්ගේ ගුරුවරයා නොවේ. ත්‍රිලක්ශණය මෙනෙහි කරන පුනර්භවය විශ්වාස කරන බෞද්ධයන්ට ‘ජාතිය’ යන සංකල්පය විහිලුවකි. ජාතිය ගැන කෑ ගසන මිනිසුන් දෙස බෞද්ධයන් බැලිය යුත්තේ අනුකම්පාවෙන් හා මෛත්‍රියෙනි. ‘ජාතිය’ කියා අදහස් කරන්නේ ඉපැදීම නිසා යමකු ඉබේම අයත් වන කුලකයටය. එය කුලයක් හෝ ජන වර්ගයක් විය හැක. ගෞතම බුදුන් මෙවන් බෙදීම් ප්‍රතික්ෂේප කර ඇත. එයින් අදහස් වන්නේ වර්තමානයේ ‘බෞද්ධයින්’ කියා ගන්නා සියළුම දෙනා එය පිළිපදින බව නොවේ. ගොවිගම කුලයේ නූපන්නකුට සියම් නිකායේ මහණ කම නොලැබෙන්නේ බුදුන් එසේ වදාළ නිසා වනු නොහැකිය.
බුදුන් සරණ යන බෞද්ධයා කළ යුත්තේ තම සියලුම බැඳීම් ඉවත් කිරීමයි. ඒ සඳහා පළමුව පුළුල්ම සහ පහසුවෙන් ඉවත් කළ හැකි අවස්ථාවෙන් පටන් ගත යුතුය. එනම් තමන්ගේ පටු වර්ගවාදය ඉවත් කළ යුතුය. ඉතින් බෞද්ධ සිංහලයින්ට තම ජාතිකත්වය ඉවත් කිරිම අනෙකුත් වාර්ගිකයින්ට තම වාර්ගිකත්වය ඉවත් කිරීමට වඩා පහසුය. එනිසා සෑම සිංහලයෙක්ම එක් වී ජාතික කොඩියෙන් අහිංසක සුළු ජාතීන්ට විරුද්ධව ප්‍රචණ්ඩත්වය දියත් කරන සිංහයාව ඉවත් කළ යුතුය. ඊට අමතරව මගේ රට මගේ ජාතිය මගේ ආගම යනාදී මෝඩ සහ ම්ළේච්ඡ වර්ගවාදී අදහස් ද අයින් කළ යුතුය.
මෙයට තවත් ප්‍රධාන හේතුවක් තිබේ. සිංහලයා ජාතික කොඩියෙන් වැඩි ඉඩක් ගෙන ඇති විට අනෙකුත් වාර්ගිකයින්ට සාධාරණයක් ඉටු වේවිද? ඇමරිකා එක්සත් ජනපදයේ කොඩිය එක් උදාහරණයකි. එහි කල්ලන්ට වෙනම, සුද්දන්ට වෙනම, හිස්පැනිකයන්ට වෙනම කියා කොටස් නැත. ඇමෙරිකාවේ සුද්දන්ද කවදාවත් ‘එක ජාතියක්’ වූයේ නැත. ජන කොටස් අතර ඉතා විශාල බෙදීම් තිබිණි. ඇමෙරිකාවේ සිවිල් යුද්ධය කියාද එකක් තිබුනේ එනිසාය. එහෙත් රටේ ජාතික කොඩිය නිර්මාණය කිරීමේදී ජන කොටස් වශයෙන් නිරූපණයක් කර නැත. ඇමෙරිකානු කොඩිය එක් උදාහරණයක් පමණකි. ජතික කොඩියෙන් තනි තනි ජන වර්ග නියෝජනය නොකරන අවස්ථා ඕනෑතරම් ඇත. ජාතිවාදයෙන් දැඩි ලෙස බැට කෑ එක් රටක් වන රුවන්ඩාවේ නව ජාතික කොඩිය කිසිම ජන වර්ගයක් නියෝජනය කරන්නේ නැත. (http://en.wikipedia.org/wiki/Flag_of_Rwanda) අප වර්ගවාදීන් වූ පලියට සකල මහ ලෝකයම වර්ගවාදීන්යැයි උපකල්පනය කළ යුතු නොවේ.
එනිසා නව සියවසකට යාමටනම් අපි අපේ පටු සිංහල ජාතිකත්වය අලුයම ලූ කෙල පිඩක් සේ වීසි කළ යුතුය. ජාතික කොඩියෙ ඒ වර්ගවාදී ජාතිවාදී ප්‍රචන්ඩත්වය පෙන්වන සිංහයාව ඉවත් කළ යුතුය.
අප විසින් විශ්වවිද්‍යාල ශිෂ්‍යාවන් යොදාගෙන කරන ලද සමීක්ෂණයකට අනුව කන්තාවන්ගෙන් 50% කට විතර උපතින්ම කන්‍යා පටලය පිහිටන්නේ නැත. ඒ වගේම ක්‍රීඩා කටයුතු සහ වෙනත් වෙහෙසකර කටයුතු වලදී කන්‍යා පටලය ඉරී යයි.. පෙම්වතාගේ විශ්වාසය දිනා ගැනීම සඳහා කාන්තාවන්ට තම කන්‍යා භාවය නැති කර ගැනීමට සිදු වීම ස්වාභාවිකයි. ඒ වගේම කන්‍යා පටලය නිසා කිසිදු ප්‍රයෝජනයක් ජීව විද්‍යාත්මකව ලැබෙන්නේ නැත. විවාහ වන වයසේ සිංහල වර්ගවාදී පිරිමින් කන්‍යා පටලයක් සොයන්නේ ඒක කන්නද?
සාම්ප්‍රදායික සමාජයේ විවාහයට පෙර තරුණ පරපුර අතර පුර්ව ලිංගික ක්‍රියාකාරකම් නොතිබුනා නොව එකල පැවති සමාජ සංස්කෘතික හර පද්ධතීන් හේතුකොට ගෙන ඒවා ජාතිවාදීන් විසින් ඒවා අන් අයගෙන් වසන් කර තිබුනි. නමුත් නූතන සමාජ වටපිටාව තුළ මේ තත්වය සම්පූර්යෙන් වෙනස් වී ඇත. මේ වෙනස් වීම පිළිබඳව අපි බුද්ධිමත් කතිකාවතක් ගොඩ නගමු.
මොකක්ද මේ ජාතිය? ජාතියට නිර්වචනයක් තිබෙනවාද? ජාතිවාදීන්ගෙන් මම මුලින්ම අහන ප්‍රශ්නය මෙයයි? ඒත් මේ වෙන තෙක් කිසිදු ජාතිවාදියෙක් මේකට උත්තර දී නැත. නිර්වචනයක් නැති දෙයක් ඇතැයි කියන්නේ කෙසේද? ඉතින් සියල්ල පැහැදිලිය. මොවුන්ගේ මානසික ගැටලුවක් නිසා නැති ජාතියක් ගැන කතා කරයි. සිංහල ජාතිවාදීන් තවමත් පෙන්වන්නේ සිංහල අවලම් කමක් මිසක සිංහල කමක් නම් නොවෙයි මට පෙනෙන හැටියට. සිංහල කම මෙතරම්ම අශීලාචාරද??
Beyond Nation 